ليش بننشر الفساد

صباحكم سكر وعسل

بتمنى الجميع يكون بخير...

حبيت اسأل سوأل, سوأل للجميع

بنعرف احنا انو في شي كتير حرام بهاي الدنيا, ويمكن مش حرام حرام, ممكن مكروه, مثلا الأغناني, او المكياج!!! بزن هدول حرام

رح احكي الشغلة وبكل بساطه, ما بدي اطلع لمراكز انا ما قدها, بس قبل بمرة, حكينا عن موضوع الموسيقى, وكنا متفقين انو الموسيقى حرام, لما فيها كلام بغضب ربنا, ولما مثلا الفيديو كليب في اشياء عيب وحرام..

وقد كثُرت الأقوال عن سلف هذه الأمة في النهي عن الغناء ، وإن كان من غير آلة موسيقية
قال ابن عباس رضي الله عنهما في قوله تعالى : ( وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُّهِينٌ ) قال : هو الغناء وأشباهه .
وقال عبد الله بن مسعود رضي الله عنه : والله هو الغناء .
وقال رضي الله عنه : الغناء يُنبت النفاق في القلب .

وقال الفضيل بن عياض : الغناء رقية الزنا .

وقد ثبت عن النبي صلى الله عليه وسلم أنه قال : ليكونن من أمتي أقوام يستحلون الحِرَ والحرير والخمر والمعازف ، ولينزلن أقوام إلى جنب علم يروح عليه بسارحة لهم يأتيهم يعني الفقير لحاجة فيقولوا : ارجع إلينا غدا ، فيُبيّتهم الله ويضع العلم ، ويمسخ آخرين قردة وخنازير إلى يوم القيامة . رواه البخاري موصولاً وليس مُعلّقاً .
والعَلم هو الجبل .

وبقدر اجيب امثال تانية.. بس موضوعنا اسا مش عن لو الموسيقى حرام...سوألي ليش لما احنا بنعرف انو هاد الشي حرام, واحنا للأسف بنسمع اغاني.. بس ليش للننشر هاد الشي ونخلي غيرنا يسمعو؟؟

واحنا بنعرف, لو الواحد بعلم انسان شي منيح مثلا الصلاة, وهاد الشخص ضل يصلي, وانا اكيد بطلعلي حسنات, لأني علمتو شي منيح, فكل ميصلي انا بطلعلي حسنات.. اوك, حتى لما اموت رح يضل يطلعلي حسنات, لو هوي بضل مكفي...

طيب كيف شوفتكو لو خلينا شخص يسمع هاي الأغنية, مثلا الي انا حطيتها بقسم الاغاني.. فصار يضل يسمعها لأنو عجبتو, ومن يومها صار يحب الأغاني... مش هون كمان رح انا يطلعلي سيئات.. وحتى لما اموت, لو هوي بضل يسمع اغاني, انا رح يضل يطلعلي سيئات

طيب لما بنعرف هاد الشي!! ليش ما بنوقف هاد الفساد الي احنا المسلمين بحد ذاتنا عم ننشرو وللأسف الشديد؟؟؟

وهل هاد سبب قلة الأيمان؟؟ ام ماذا

بتمنى تفاعل منكو